Caktohen sot finalistët e Europa League, dy supersfida premtojnë spektakël

Spektakli evropian vijon këtë të enjte me gjysmëfinalet e dy kompeticioneve të tjera në kontinentin e vjetër, Europa dhe Conference League. Në atë që është i dyti për nga rëndësia, Leverkusen me 1 këmbë në finale do të përballet në shtëpi me Romën, ndërsa pas atij barazimi në transfertë, Atalanta beson se do ta surprizojë Marsejën në Bergamo.

Aspirinat nuk njohin humbje në asnjë prej sfidave të luajtura në të gjitha kompeticionet, ndërsa janë drejt një sezoni absolut, por në Evropë duhet një sforco e fundit, për të prekur finalen. Rezultati 2-0 i jep siguri Alonsos, por Roma nuk e ka thënë fjalën e fundit.

Në anën tjetër, barazimi në Francë lë gjithçka të hapur për Atalanta-Marsejë. Në shtëpi bergamaskët do të kërkojnë të festojnë bashkë me tifozët, por duhet patjetër fitorja. Miqtë e kanë synimin të qartë, të shkojnë në stacionin e fundit, e pse jo të zbrezin me kupën në duar.

Conference League po ashtu konfirmon skuadrën e dytë finaliste, pasi e para është Fiorentina. Italianët barazuan në transfertë me Club Brugge, por u kualifikuan pas rezultatit 4-3 në të dyja ndeshjet. Bileta e mbetur pret një mes Aston Villas dhe Olympicaos, me grekët që përballjen e parë e fituan 2-4.

LEXONI GJITHASHTU:

• Reali “mbret” në Champions, finalist mes polemikash për një gol të anuluar
• Dortmund në finalen e Champions, verdhezinjtë rikthehen pas 11 vitesh