Eksperti zbulon detaje nga misioni i spiunëve të BIA: Mesazhi për Beogradin

Dy persona u arrestuan një ditë më parë në Ferizaj nën dyshimin se kanë bashkëpunuar me Agjencinë e Inteligjencës së Serbisë (BIA).

Në pranga janë vënë Bedri Shabani dhe Muharrem Qerimi dhe arrestimi i tyre është bërë i mundur pas zbulimit nga Agjencia Kosovare e Inteligjencës.

Eksperti Drizan Shala tha në një intervistë për Euronews Albania se ka dyshime që ata kanë vepruar me vite të tëra si spiunë të Serbisë, por prej 1 viti hetoheshin nga Agjencia Kosovare e Inteligjencës.

Ai zbuloi detaje nga misioni i dy të arrestuarve dhe mesazhi që i dërgojnë Beogradit agjencitë e Kosovës.

“Ata kanë lokalizuar lidhjet e dyshimta dhe përmes hetimeve intensive kanë identifikuar dhe argumentuar lidhjet e tyre me përfaqësuesin e BIA serbe në Ferizaj. Agjencia e inteligjencës ndërmerr veprime ndaj familjarëve të tyre duke identifikuar lidhte e tyre të mundshme edhe me RMV dhe informacionet do përpunohen në bashkëpunim me policinë dhe prokurorinë dhe më tej do bëhet gjykimi i personave. Është një mesazh që i agjencia e inteligjencës i ka çuar Beogradit se veprimet e tyre në Kosovë tani nuk mund të jenë të qeta pasi agjencia ka mënyrë dhe mundësitë për t’i identifikuar”, tha Shala.

LEXONI GJITHASHTU:

• Policia e Kosovës bastis banesat e 2 spiunëve të Serbisë, gjenden armë dhe municione
• EMRAT| Këta janë dy shqiptarët e arrestuar të dyshuar si spiunë të Serbisë