Gazetari nga Greqia: Beleri u zgjodh eurodeputet nga rritja e nacionalizmit

Gazetari, Edmond Guri, i ftuar në Euronews tha se në Greqi është dyfishuar fryma nacionaliste pas zgjedhjeve të BE. Sipas tij kjo ndikon negativisht si në demokracinë e Greqisë dhe në politikat sociale të saj.

“Në Greqi është rritur një frymë nacionaliste që është shqetësuese. Shqetësuese është githashtu fakti që deri pak kohë më parë përllogarite deri ne 12% ajo frymë nacionaliste e votuesit të sistemit të djathtë në Greqi, sot një ditë pas zgjedhjeve kjo shifër është dyfishuar e thënë kjo nga zyrtarët më të lartë të qeverisë. Është shqetësuese dhe për demokracinë në Greqisë sepse këta nacionalistë nuk po bëjnë politika sociale” tha Guri.

Për sa i përket zgjedhjes së Beilerit si eurodeputet, Guri tha se u përdor tema nacionaliste për të marrë votat e elektoratit grek.

“Në qoftë se në zgjedhjet e kaluara Partia Demokracia e Re mori 41% aktualisht është në rënie të lirë sepse mori vetëm 27%. Beleri solli dhe një herë në vëmendje diskutimin nacionalist, i cili i dha vota. Por nëse duam të themi ftohtë, Demokracia e Re nuk i ka fituar zgjedhjet” tha gazetari.

LEXO GJITHASHTU:

• Shpërthen festa në Himarë, Fredi Beleri drejt zgjedhjes si eurodeputet në Greqi
• Eurodeputetët që u zgjodhën nga burgu: Beleri s’është i vetmi, rasti i Ilaria Salis