Gazetarja angleze shkruan për 7 vitet në Shqipëri: Ja 250 aventurat e mia…

“250 aventurat e Alice”- kështu titullohet libri i parë i gazetares angleze, Alice Tylor. Ajo ka 6 vite që jetonnë Shqipëri, punon dhe madje u bë edhe nënë e një vajze të quajtur Dea.

Të gjithë rrugëtimin e saj Alice është munduar që ta përfshijë edhe në këtë libër, ka treguar çfarë i ka pëlqyer dhe çfarë jo në fillimet e saj në Tiranë dhe si ka ndryshuar gjithçka në jetën e saj me kalimin e viteve.

Ajo e ka shkruar librin edhe në shqip dhe ne anglisht që të gjithë të kenë mundësi ta lexojnë dhe ta kuptojnë.

Ka shkruar për zakonet, traditat shqiptare, për ato qe i janë dukur të veçanta apo edhe shumë të çuditshme.

Nga rakia, te Gjiri i Lalëzit, shtëpia e Kadaresë, rafting në Osum, historia e Butrintit, Bunkart apo deri te kaçkavall furre me domate…Ajo ka shkruar për çdo gjë në këtë libër që të kuriozon që në fillim.

Në një intervistë për emisionin GoodMorning Albanians në Euronews Albania, ajo tregoi se është emocionuar shumë kur ka marrë foton e librit, pasi siç tha është një pjesë e jetës së saj.

“Jam shumë e emocionuar, kam qarë që në mëngjes kur Arlinda më tregoi një foto të librit. Nuk është vetëm punë, unë kam shkruar shumë artikuj, është eksperiencë nga shpirti, është 7 vjet punë, dhe kam pak frikë si do pritet nga njerëzit. Shpresoj që njerëzit ta pëlqejnë”, tha ajo.

LEXONI GJITHASHTU:

• Zgjedhjet për PE: Si po votojnë shqiptarët? Gazetarja raporton nga Brukseli
• Gazetari: Sot ditë e keqe për PD! U izolua nga ndërkombëtarët!