“Turqit e donin Kadarenë!” Kreu i diasporës shqiptare: E lexonin në turqisht!

Bora Zukali, kreu i komunitetit shqiptar në Turqi tha për Euronews Albania se homazhe për Ismail Kadarenë janë mbajtur edhe në Turqi.

Ai tha se në nder të tij është hapur dhe një libër kujtimesh, ku dashamirës turq e shqiptarë të shkrimtarit kanë lënë mesazhet e tyre të ngushëllimit.

Zukali tha gjithashtu se edhe në Turqi shkrimtari shqiptar duhej shumë e të shumtë ishin turqit që ia kanë lexuar veprat.

“Në konsullatën e Stambollit është hapur një libër ngushëllimesh që kush kishte dëshirë nga komuniteti shqiptar apo nga populli turk, ka shkuar në konsullatë dhe i ka shpërndarë aty ngushëllimet. ministria e jashtme ka hapur edhe një faqe për ngushëllim. Populli turk dhe populli shqiptar e kanë konsideruar një humbje shumë të madhe vdekjen e Ismail Kadaresë”,

i pyetur nëse politika turke ka shprehur ngushëllime për Kadarenë, ai tha se një gjë e tillë nuk është bërë e ditur për publikun, por me siguri sipas tij janë dërguar letra nga zyrtarët dhe ambasada. Ai tha se Kadareja do kujtohet gjithmonë.

“Ne si komuniteti shqiptar kemi bërë takime me komunitetin turk ku i shpërndanim libra të Kadaresë në gjuhën turke. Gjithë populli turk ka qenë i kënaqur. E donin shumë dhe i dinin të gjitha ato novelat”,-tha Zukali.

LEXONI GJITHASHTU:

• Ekskluzive| Euronews Albania siguron mesazhet e lëna nga Rama dhe Kurti për Kadarenë
• Rama: Nën hijen e shenjtores, Kadare do ndihet i mbrojtur nga ata që s’e deshën