Shehaj: Njerëzit s’duan t’ia dinë kë zgjedh PD në qarqe, ja çfarë halli kanë

Deputeti Agron Shehaj i cili është edhe kryetar i partisë së re “Mundësia” ishte këtë të enjte i ftuar në “Now me Erla Mëhillin” në Euronews Albania ku tha se emrat se kush janë drejtues politik të qarqeve janë gjëja më pak e rëndësishme për qytetarët.

Ai tha se askujt nuk i intereson se kush është drejtuesi politik i një partie në një qark të caktuar pas problemet e qytetarëve janë të tjera, sipas tij problemet e vërteta për tu diskutuar janë skandalet të cilat kalohen në heshtje, si ai i mikrokredive, onkologjikut e skandale të tjera.

“Vërtet ne mendojmë se debati i madh te qytetarët është do jetë Gazi apo Luani drejtuesi i Partisë Demokratike në Fier? Ne jemi në vendim më të korruptuar në Europë, njerëzit po ikin përditë, ka skandale të përditshme, ishte skandali i mikrokredisë, nuk ndodhi asgjë, guvernatori i bankës është akoma aty. Do flasim për listat tani?!

Për Onkologjikun vazhdon i njëjti muhabet, asnjë nuk mbajti përgjegjësi. Vërtet për Gazin apo Luanin në Fier do flasim ne? Ne duhet të flasim se përse po protestojnë në rrugën Thumanë-Kashar, se aty shteti, qeveria dhe koncesionari një ditë të bukur vunë blloqet e betonit. Askush nuk e ka kuptuar çfarë po ndodh aty”,-tha Agron Shehaj.

LEXONI GJITHASHTU:

• “Është djegur 35% e trupit me benzinë”, mjeku: Si është gjendja e Melisa Trëndafilit
• Festivali mbarëkombëtar i Komedisë, edicioni i 11 mbyllet me “Karnavalet e Korçës”