Alliu: Pse futbollistët e kampionatit shqiptar po shiten në Ukrainë

13 Janar 2025 | 12:59

Ish-futbollisti i Kombëtares, Ilirjan Alliu, foli në emisionin MAX Sport në Euronews Albania mbi shitjet e shumta të futbollistëve shqiptarë në kampionatin e futbollit në Ukrainë, duke theksuar se kjo po ndodh për shkak të luftës atje.

Sipas Alliut, ndryshe nga shqiptarët shumë futbollistë të huaj preferojnë të mos shkojnë në Ukrainë për shkak të pasigurisë që ka krijuar konflikti, duke e bërë atë një destinacion të pa preferuar për lojtarët cilësorë.

“Tregu ukrainas ka rritur vlerat e tij, pasi futbollistët e talentuar nuk kanë guxim as kurajo të shkojnë atje. Ekipet ukrainase dikur ishin të mbushura me 7-8 brazilianë dhe kishin nivele të larta në Kupat e Evropës, por tani kanë kaluar në një treg të ri, atë shqiptar. Duket se ata po përpiqen të sigurojnë futbollistë nga Shqipëria, pasi çmimet janë më të volitshme,” tha Alliu.

Ai shtoi se shumë lojtarë tani përpiqen të largohen nga Ukraina për shkak të pasigurisë, ndërsa futbollistët shqiptarë vazhdojnë të shkojnë atje.

“Të gjithë përpiqen të ikin nga Ukraina në këto kohë lufte, ndërsa ne shkojmë,” përfundoi ai.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Presidenti Begaj reagon për vrasjen e efektivit në Korçë: Policia nuk do të zbrapset

Presidenti i Republikës së Shqipërisë, Bajram Begaj, ka reaguar pas vrasjes së një efektivi policie në Korçë dhe plagosjes së kolegut të tij gjatë një...
09:59 | 04/06/2026

Policia del me njoftim zyrtar: Si u vra efektivi dhe u plagos kolegu i tij, detajet nga operacioni

Një punonjës policie ka humbur jetën dhe një tjetër ka mbetur i plagosur gjatë një operacioni policor në zonën e Lozhanit, në malin Boden, Bashkia...
09:08 | 04/06/2026

Vrasja e policit në Korçë, kush është autori dhe si hapi zjarr ndaj efektivëve pasi i pikasi

Një person në kërkim prej disa vitesh dyshohet se ka vrarë një efektiv policie dhe ka plagosur një tjetër gjatë një operacioni policor në fshatin...
08:35 | 04/06/2026