Deputeti i PS mbështet kërkesën e SPAK drejtuar policisë për gjyqin e Veliaj

Deputeti i Partisë Socialiste, Petro Koçi ishte këtë të premte i ftuar në Euronews Albania ku ka komentuar shkresën ku GJKKO dhe SPAK i kërkojnë Policisë së Shtetit arsyet se përse nuk ka pasur masa sigurie gjatë gjyqit për Erion Veliaj, ku mbështetës së kryebashkiakut të Tiranës, u mblodhën për të protestuar para SPAK.

Koçi e ka cilësuar si të drejtë kërkesën e GJKKO dhe SPAK.

“Unë mendoj se shkresa është e drejtë. Është krejt normale ti drejtohen policisë nëse nuk ka pasur masa sigurie që të garantojë cilësinë dhe integritetin si të Gjykatës edhe të SPAK. Unë nuk është se kam ndonjë simpati për grumbullimet, qofshin këto protesta që zhvillohen në afërsi të godinave të gjyqësorit”,-tha Koçi.

Megjithatë ai shtoi se i duket e pavend që SPAK, sipas tij, nuk ka vepruar kur deputetët e kuvendit të Shqipërisë kanë dhunuar punonjësit e gardës.

“Mua më duket krejt e pavend që SPAK nuk ka vepruar asnjëherë kur deputetë të Kuvendit të Shqipërisë kanë dhunuar punonjës së gardës, megjithëse janë bërë kallëzime penale. Unë mendoj që prapanicat e zyrtarëve duhet të jenë të barabarta para ligjit”,-tha Koçi.

LEXONI GJITHASHTU:

• SPAK kërkesë policisë: Pse nuk u mor asnjë masë sigurie gjatë gjyqit ndaj Veliajt?
• “Shyqyr që ndodhi”, Manjani tregon arsyen se çfarë të mire solli arrestimi i Veliajt