Sa do dënohet 40-vjeçari për abuzimin me 15-vjeçaren? Avokati Duraj shpjegon ligjin…

Një 40-vjeçar është arrestuar këtë të martë në Vlorë, pasi akuzohet se ka droguar tre të mitura 15-vjeçare dhe më pas ka abuzuar seksualisht me njërën prej tyre.

Për të folur rreth kësaj ngjarje ishte i ftuar në “People” në Euronews Albania avokati Alban Duraj. I pyetur se sa mund të dënohet 40-vjeçari i cili abuzoi me 15-vjeçaren, avokati shpjegoi se konsumi i lëndëve narkotike e rëndon çështjen.

“Me kodin aktual nëse e mitura ka arritur pjekurinë seksuale dhe nuk ka përdorur lëndë narkotike, atëherë kjo nuk përbën vepër penale. Nëse nuk ka përdorur lëndë narkotike kodi jonë aktual, sepse ne kemi një draft të ri të kodit penal që e përcakton të mitur moshën deri në 16 vjeç për kryerjen e marrëdhënieve seksuale, pra nuk e lejon.

Kryerja e marrëdhënieve me të mitur që nuk kanë arritur pjekurinë seksuale, sipas ligjit dënohet nga 7-15 vite burg. Është shumë i rëndësishëm edhe akti i inspektimit për sa i përket përcaktimit të lëndëve narkotike, që është diçka ende në fazën e dyshimit”,-tha avokati Duraj.

LEXONI GJITHASHTU:

• Drogoi 3 të mitura dhe kreu marrëdhënie seksuale me njërën, arrestohet 40-vjeçari
• U njohën në rrjete sociale, si 40-vjeçari drogoi dhe kreu marrëdhënie me 15-vjeçaren