Detaje nga takimi i Ramës me PS Tiranë, ndahen zonat e deputetëve! Rama bën rikthime

Kryeministri Edi Rama këtë të premte ka mbledhur strukturat e PS të Tiranës. Gjatë këtij takimi i cili ishte me dyer të mbyllura është bërë ndarja e zonave sipas njësive.

Gazetarja e Euronews Albania Eksiola Shehu ka zbuluar emrat që do të jenë pjesë e ekipit të Tiranës.

Kushdo nga ministrat, drejtuesit politik dhe deputetët që janë rezidentë në Tiranë dhe që nuk kanë zgjedhje në qarkun që kanë mbuluar më herët, janë vendosur në Tiranë për zgjedhjet.

Toni Gogu do të mbulojë zonën e Ndroqit, Fatmir Xhafaj njësinë 10. Blendi Klosi dhe Eduard Shalsi rikthehen në Tiranë vetëm për fushatën për zgjedhjet e 9 nëntorit. Ulsi Manja po ashtu në Tiranë.

Ish-deputeti i PS, Xhemal Qefalia do të jetë i angazhuar në zonën e Dajtit, zonë të cilën e ka pasur më herët. Ministrja e Jashtme, Elisa Spiropali do të jetë e paangazhuar në këto zgjedhje të parakohshme të Tiranës. Rama nuk e ka deleguar në asnjë zonë në ndarjen e zonave që është bërë.

Rama ka shpallur Ogerta Manastirliun kandidate për Bashkinë e Tiranës në zgjedhjet e parakohshme të 9 nëntorit. Manastriliu më parë ka qenë drejtuese politike e Tiranës si dhe ish-Ministre e Arsimit dhe Shëndetësisë.

LEXONI GJITHASHTU:

• Rama flet për herë të parë për dekretin e Begajt për Veliajn: E bëri me vullnetin
• Kritikat ndaj gjyqtarëve, Rama: Jam marrë dhe do merrem me ta kur shkelin popullin