“Bashkim Shqipëri-Kosovë” – Arsim Sinani zbulon tezën e Ukshin Hotit 42 vjet më parë

Profesor Arsim Sinani tregoi në një intervistë për gazetarin Thimi Samarxhiu në Euronews Albania një dokument autentik të profesorit Ukshin Hoti të 42 viteve më parë, ku ai hedh tezën e bashkimit Shqipëri-Kosovë si zgjidhja më e mirë për Kosovën.

Sinani zbuloi se bëhet fjalë për propozimin e projektit të disertacionit të doktoraturës të profesor Hotit e shkruar në qershor të vitit 1983, ku ai prek çështje të rëndësishme kombëtare.

“Është propozimi i projektit të disertacionit të doktoraturës që titullohet “Kosova, faktor stabiliteti i raporteve politike, mundësitë e zbërthimit të çështjes shqiptare”, është shkruar më qershor 83.

Ai tregon se ka pasur një problem dhe nuk ka mundur ta mbrojë temën në Zagreb. Thotë që problemi është se i është marrë gjatë arrestimit kjo temë dhe i është dashur ta punojë sërish, nuk ka një temë të mbrojtur të doktoraturës. Teza kryesore në këtë projekt është ajo që thotë se bashkimi me Shqipërinë është zgjidhja më ideale për Kosovë,  është i 7 qershorit 1983 dhe është shkruar në fshatin e tij të lindjes”, tregoi profesor Sinani.

LEXONI GJITHASHTU:

• “Duhet deserbizimi i sistemit në RMV”, Sinani: Partitë shqiptare të kenë program
• “Kurti ka marrë një garanci të madhe”, Sinani: Mesazhi i kreut të CIA për Serbinë