Rama: Jemi të parët në rajon, 42 mijë të rinj të punësuar në 5 vite
Kryeministri Edi Rama ka zhvilluar këtë premte një takim me të rinj të punësuar përmes programeve të nxitjes së punësimit, ku ka ndarë disa prej të dhënave që, sipas tij, tregojnë progresin e Shqipërisë në këtë fushë.
Rama deklaroi se sipas vlerësimeve të OECD-së, Shqipëria renditet e para në rajon për shërbimet e punësimit, duke e konsideruar këtë një tregues të rëndësishëm të punës së bërë në vitet e fundit për ngritjen e një sistemi të konsoliduar shërbimesh.
“Shqipëria, sipas OECD, është vendi që zë vendin e parë në rajon për shërbimet e punësimit. Kjo flet qartë se puna që kemi bërë për ndërtimin e një skeme funksionale shërbimesh punësimi ka dhënë rezultate inkurajuese,” u shpreh Rama.
Ai theksoi se aktualisht janë 7 programe aktive për nxitjen e punësimit, që nga praktikat profesionale e deri te vetëpunësimi dhe riintegrimi social.
Sipas të dhënave të paraqitura, vetëm në pesë vitet e fundit 42 mijë të rinj janë punësuar përmes zyrave të punësimit dhe programeve shtetërore, ndërsa 7500 prej tyre kanë përfituar drejtpërdrejt nga paketat e mbështetjes.
Një tjetër komponent i rëndësishëm, sipas kryeministrit, është Garancia Rinore, një model i aplikuar në vendet e BE-së dhe tashmë edhe në Shqipëri. Deri tani 2200 të rinj po përfitojnë nga ky mekanizëm, ndërsa objektivi është të mbështeten 60 mijë vajza dhe djem gjatë mandatit aktual qeverisës.
Rama foli edhe për rritjen e interesit për arsimin profesional, duke theksuar se ky vit ka shënuar nivelin më të lartë të regjistrimit në këtë sistem.
Ai solli ndër shembuj edhe një bankë të re digjitale të licencuar së fundmi, ku siç tha aplikimet nga të rinjtë kanë qenë të shumta dhe zyrat janë mbushur “brenda pak ditësh”.
“Kemi arritur nivelin më të lartë të regjistrimit në arsimin profesional. Jemi ende larg objektivit final, por drejtimi është i duhuri,” përfundoi Rama.
LEXONI GJITHASHTU:
- Rama mungon në seancën plenare, shtyhet interpelanca me Shehajn
- Tirana Economic Forum, Rama: Shqipëria në BE në 2030 është projekt i mundshëm
Presidenti Begaj reagon për vrasjen e efektivit në Korçë: Policia nuk do të zbrapset
Policia del me njoftim zyrtar: Si u vra efektivi dhe u plagos kolegu i tij, detajet nga operacioni
Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 14:50 Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona
- 14:50 Mojtaba Khamenei shpall fitoren ndaj SHBA: Armiku u poshtërua në fushën e betejës
- 14:46 Miratohet projektligji për CENSI-n e bujqësisë, fermerët që nuk përgjigjen, do të gjobiten
- 14:43 Kursi i Euros me Lekun bie përsëri, po shkon drejt pragut të 95 lekëve
- 14:39 Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat
- 14:27 11 raste në një javë, disa avionë rusë janë interceptuar në Baltik