Goditi vëllain me thikë, arrestohet 35-vjeçari në Elbasan

Një 35-vjeçar është arrestuar nga policia e Elbasanit, pasi dyshohet se pas një konflikti për motive të dobëta ka goditur me mjet prerës vëllain e tij 46-vjeçar.

Policia u njoftua për rastin pas paraqitjes në Spitalin e Elbasanit të 46-vjeçarit A.H., i cili ishte goditur me thikë në dorë.

Pas veprimeve hetimore, policia arriti të arrestojë autorin e dyshuar, 35-vjeçarin B.H., banues në fshatin Labinot Fushë, i cili është vëllai i të plagosurit.

Gjatë kontrollit në banesën e 35-vjeçarit, u gjetën dhe u sekuestruan thika, me të cilat dyshohet se është kryer krimi, si dhe disa fishekë të armës së gjuetisë.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

LEXONI GJITHASHTU:

• Trafik i rënduar në hyrje të Elbasanit, bllokohet qarkullimi i automjeteve
• Humb jetën punëtori në Elbasan, ra nga lartësia! Arrestohet administratori