Ambasadorja tregon gjendjen kritike në Izrael: 2200 të plagosur dhe 130 të rrëmbyer

Ambasadorja e Izraelit në Shqipëri, Galit Peleg ka dhënë një intervistë për Euronews Albania, ku ka treguar gjendjen kritike në Izrael.

Ajo theksoi se sipas raportimeve deri më tani janë regjistruar 750 viktima, 2200 persona të plagosur dhe 130 persona të rrëmbyer.

“Deri më tani janë 750 viktima, thuajse një fshat i tërë, 2200 persona janë nëpër hospitale. Qereku i tyre janë në shërbim intensiv, dhe 130 persona janë rrëmbyer në Gaza. Jemi duke dëgjuar histori të personave që kanë mbijetuar dhe janë histori që ju i dëgjoni vetëm nga ISIS ndoshta. Nuk e di kush janë autorët e këtij sulmi, por unë nuk mendoj se janë qenie njerëzore. Janë të tmerrshme. Ajo që kemi primare është të kujdesemi për të mbijetuarit”-tha ajo.

LEXONI GJITHASHTU: 

• Ambasadorja e Izraelit tregon 2 shtetet e fuqishme që qëndrojnë pas Hamasit
• Çfarë po ndodh në Izrael dhe pse tani