Arben Malaj: SPAK është i pamjaftueshëm, duhet strategji për të ndaluar shkeljet

“SPAK është i nevojshëm, por nuk është i mjaftueshëm” kështu tha Arben Malaj për Euronews Albania. Ai tha se ne na duhet një strategji e mirëfilltë për të parandaluar shkeljet që të ndodhin, pasi në momentin që ato kanë ndodhur tashmë dëmi është bërë.

“Unë besoj se i duhej por është i pamjaftueshëm. Na duhet një kulturë e përgjithshme paraprake. Në një element të mirë të qevirsë ti duhet ti parandalosh gjërat të ndodhin se nëse ndodhin ato e kanë bërë dëmin.

Nuk ndihesh mirë kur je politikan që edhe në vitin 2023, raporti i lirisë ekonomike nxjerr si pikë më të dobët mungesën e integritetit të qeverisë. Për ne si studiues nëse një tregues i lirisë ekonomike është nën 50 %, në vend që të ishte shtytës i gjithë reformave është  faktor pengues.

Niveli i ulët i integritetit të qeverisë i bën qytetarët më pak të bindur, ul pritshmërinë, rrit informalitetin, mos pagimin e taksave dhe faktorë të tjerë.  Qeveria par ta zëvendësuar këtë faktor bën masa ndëshkuese e penalitete dhe acaron marrëdhëniet mes qeverisë dhe shtetit”,- tha për Euronews Albania ish-ministri i Financave Arben Malaj.

LEXONI GJITHASHTU

• SPAK kërkon 2.8 vite burg për ish-oficerin, dyshohet se u korruptua nga Erjon Alibej
• Je spiun ti? Beqiri-Murrizit: Më marsh të keqen, diktatura më futi në burg
• Tritol banesës së kreut të PD-së në Lezhë