Ashensori bie nga kati i pestë në Astir, a bëhen kontrolle?

Policia e Tiranës bën të ditur se shkak i rrëzimit të ashensorit në një pallat mbrëmjen e së hënës ishte mbingarkesa.

Në ashensorin që u rrëzua nga kati i 5 në katin 0 kishin hipur 5 persona, thotë policia, në një kohë që kapaciteti ishte 2 deri në 3 persona. Në ashensor kishin hipur 5 anëtarë të së njëjtën familje.

Dy bashkëshortët kanë pësuar dëmtime dhe po marrin trajtim në spital. Ndërsa 3 personat e tjerë, të afërm të tyre, pësuan lëndime të lehta dhe u larguan për në banesë. Ngjarja ndodh në një pallat në rrugën “Aleksandri i Madh” në zonën e Astirit në kryeqytet.

Edhe më parë ka pasur disa raste kur janë shënuar incidente me ashensorët, sikurse ndodhi edhe në spitalin Nene Tereza një vit më parë teksa ishte edhe pacienti në lëvizje.

Po ashtu ka pasur edhe raste kur ka rënë zjarr apo ka pasur shkëndija elektrike në ashensor, duke qenë e nevojshme edhe ndërhyrja e forcave zjarrfikëse.

LEXONI GJITHASHTU: 

• Zukali: Qytetarët në Turqi paguajnë taksë mujore për tërmetin që prej viti 1999
• Gazetari Hoxha nga Stambolli: Autobusët janë mënyra më e sigurt për të lëvizur