“Babale” bashkon PD-në, Salianji: Ogur i mirë për zgjedhjet vendore

Deputeti i PD-së, Ervin Salianji u shpreh në një intervistë për Euronews Albania se bashkimi i deputetëve të PD-së për gjyqin “Babale” është një ogur i mirë që në zgjedhjet vendore të dalin me një kandidat të përbashkët.

“Është një orgur i mirë mbledhja dhe takimi për një kuazë që është një kauzë e përbashkët për të gjithë PD-në dhe është një sulm brutal që bën qeveria duke përdorur qeverinë për interesa politike. Të shpresojmë që të jetë ogur i mbarë për bashkimin dhe daljen me një kandidat për zgjedhjet e ardhshme lokale. Ne jemi të gjithë miq, jemi deputetë të një partie politike. Përtej ndarjeve për çështje të caktuara për kauza të mëdha, është detyrim i të gjithë deputetëve për të qenë bashkë”, u shpreh Salianji.

“Është një sulm politik, një sulm që i bëhet opozitës, PD-së dhe po tregon dhëmbët rregjimi që në rast se denoncohet, organet e drejtësisë merren me ata që denoncojnë. Ekspertiza britanik thotë që zëri është i ngjashëm. PS po përdor pushtetin e vet mbi gjykata për t’i bërë presion opozitës”, tha më tej Salianji për gjyqin “Babale”.

LEXONI GJITHASHTU:

• Rama u kthehet pedagogëve: Asnjë pakt nuk do të ketë me ju
• Çështja Babale, shtyhet seanca në Gjykatën e Apelit për Salianjin
• VIDEO| Deputetët e PD-së në mbështetje të Salianjit për “Babalen”