Kreu i Grupit Parlamentar të PD-së Gazment Bardhi ka dhënë një deklaratë për mediat pas mbledhjes që zhvilloi me deputetët demokratë.

Ai theksoi se deputetët e opozitës do të vijojnë aksionin e tyre deri në plotësimin e kërkesave minimale që përbëjnë të drejtat kushtetuese të deputetëve.

“Në mbledhje u diskutua gjatë për situatën në Kuvend dhe vijimin e aksionit të opozitës në Kuvendin e Shqipërisë, diskutime që do të vijojnë dhe ditën e nesërme. Kemi rikonfirmuar dhe njëherë që mos të heqim dorë nga mundësia që Kuvendi t’i kthehet rrugës së kushtetueshmërisë. Kjo rrugë kalon përmes respektimit të të drejtave kushtetuese në mbrojtje të interesit publik.

Brenda grupit parlamentar është i lirë që të shpreh opinionin dhe argumentat e tij, por pëe të dyja çështjet ka pasur dhe ka dakordësi të plotë për secilin prej kolegëve brenda grupit parlamentar. E sigurt është se secili nga kolegët është i vendosur për të vijuar aksionin e tyre deri në plotësimin e atyre kërkesave minimale që përbëjnë të drejta kushtetuese të deputetëve të opozitës, si një mundësi për t’i shërbyer interesit të qytetarëve”-tha ai.

LEXONI GJITHASHTU: 

• Sali Berisha: Më 8 dhjetor PD do të përmbys dikaturën e sotme
• “Kishte ambicie”, regjisori tregon historinë e Mirush Kabashit në garën e notit