Bie Google në Evropë, përfshirë Shqipërinë! Përdoruesit raportojnë probleme

Një ndërprerje e gjerë e shërbimeve të Google u regjistrua këtë të enjte në disa vende të Evropës, duke përfshirë edhe Shqipërinë. Përdoruesit raportuan vështirësi në aksesimin e platformave kryesore si YouTube, Google Maps, Gmail, Google Drive dhe motorin e kërkimit, ku shfaqej mesazhi “5xx server error”.

Problemet nisën në orët e para të mëngjesit, dhe u raportuan më masivisht në vende si Turqia, Greqia, Bullgaria, Rumania, Serbia dhe Maqedonia e Veriut, por edhe Shqipëria sipas platformës Downdetector.

Sipas Reuters, shërbimet më të goditura ishin YouTube, Maps dhe Gmail, ndërsa në disa vende ndërprerja zgjati më pak se një orë. Google ende nuk ka dhënë një deklaratë zyrtare mbi shkaqet e problemit.

LEXONI GJITHASHTU:

• Shkencëtarët amerikanë dhe kinezë shpikin çipin 6G me shpejtësi revolucionare
• Sam Altman paralajmëron: Bisedat personale me ChatGPT nuk janë plotësisht private