Blendi Gonxhe: Tranzicioni nuk duhet të ishte kaq i vështirë

Blendi Gonxhe, ish-student i dhjetorit të vitit ’90 komentoi në një intervistë për Euroneës Albania rëndësinë e asaj dite.

Ai u shpreh se ishte krenar që ishte pjesë e asaj lëvizje që edhe sot ka një vlerë të jashtëzakonshme.

“Shumë krenar për atë moment, natyrisht dhe shumë reflektues për shumë përgjegjësi të cilat më pas herë i ka vuajtur vendi, herë i kanë vuajtur brezat, Shqipëria, në kuptimin e të ushtruarit të sistemit të ri që ne zgjodhëm, të asaj që ne ndërruam dhe kapërcyem në ’90-tën,’ – tha Gonxhe.

Sipas tij tranzicioni nuk duhet të ishte kaq i gjatë dhe kaq i vështirë.

Më 8 dhjetor 1990, një grup studentësh e pedagogësh të Universiteteve të Tiranës, u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë.

LEXONI GJITHASHTU:

• 8 dhjetori, Dita Kombëtare e Rinisë