Bolonja arrin pas 51 vitesh në finalen e Kupës së Italisë, do përballet me Milanin

Milan-Bolonja është finalja e Kupës së Italisë, me këtë të fundit të cilët i bashkohen kuqezinjve të Conceicao pasi eliminuan mbrëmjen e së enjtes Empolin. Në ndeshjen e kthimit skuadra e Vincenzo Italianos vinte me avantazhin 3-0 të duelit të parë, ndërsa arriti më tepër ta menaxhojë atë. Një fitore 2-1 e rezultat total 5-1 në favor të Bolonjas, që do të nisë përgatitjet për finalen e madhe ndaj Milanit.

Pjesa e parë u mbyll në barazpeshë 1-1 me golat e Fabbian dhe Kovalenko. Në pjesën e dytë vendësit u hodhën në sulm pavarësisht rezultatit në favor, ndërsa arritën të gjejne golin e fitores me Dallingan në minutën e 86’. Një fitore totalisht e merituar për Bolonjën e cila tanimë synon të fitojë trofeun. Plot 51 vite pritje për të shkelur në finalen e kupës së Italisë, një arsye më tepër për ta fituar atë.

Më herët ia kanë dalë ta fitojnë në dy vite në vitin 1970 dhe 1974 e që nga ajo periudhë është eliminuar në faza të mëhershme të garës. Në anën tjetër, vite pritje dhe për Milanin që numëron 5 trofe të fituar, ndërsa finalja e fundit në të cilën ka marrë pjesë është ajo e 2018ës, ku u mposht nga Juventus.

LEXONI GJITHASHTU:

• Tronditje në Champions League: Arsenali dhe Interi lënë jashtë Realin dhe Bayernin
• Bologna shokon Interin në minutën e katërt shtesë, gara për titull me “fotofinish”