Gjatë diskutimit në Komisionin e Ligjeve për legalizimin e lojërave të Fatit në Shqipëri, deputeti socialist, Erion Braçe është shprehur me tone të ashpra.

Braçe tha se gjatë kohës që bastet në Shqipëri nuk janë lejuar, sërish ky aktivitet ka ndodhur dhe se mungojnë masat që ky aktivitet të hiqet nga duart e krimit të organizuar.

Deputeti socialist propozoi që ky lloj aktiviteti do ishte më mirë që të ishte monopol i shtetit pasi e shikon si shumë të vështirë që të mbahet larg duarve të krimit.

“Kemi dy probleme, problemi i parë është që e kemi të ndaluar me ligj, ndërkohë që po luhet pa ligj në kundërshtim me ligjin, në të zezë, ilegalisht e kështu me radhë.

Problemi i dytë që kishim dhe kemi mendoj unë, është që lojërat e fatit veçanërisht bastet sportive ishin në dorë të krimit të organizuar me pasoja shumë të rënda jo sociale për rendin dhe sigurinë publike.

Nga ana tjetër i kemi po prapë në duar të personave që ose i kishin ose i kanë marrë dhe që i takojnë po prap botës së krimit të organizuar”,-tha deputeti i Partisë Socialiste, Erion Braçe.

LEXONI GJITHASHTU:

• Përshtatën lokalin për lojëra fati, 2 në kërkim dhe 1 në hetim në Malësi të Madhe
• Aksioni kundër lojërave të fatit, 21 të arrestuar dhe 25 nën hetim në disa qytete