Dorëheqja e ministrit të emigracionit në Britani, Krashi: Donte një ligj më ekstrem

Qeveria konservatore e Britanisë është gjendur në vështirësi pasi ministri i saj për Emigracionin dha dorëheqjen lidhur me ligjin që ka të bëjë me dërgimin e emigrantëve në Ruanda, në një kohë kur përfaqësuesit e linjës së ashpër kanë rritur presionin ndaj kryeministrit Rishi Sunak.

Pozita e liderit britanik duket gjithnjë e më e cenueshme pasi Robert Jenrick deklaroi se dorëheqja e tij vinte për shkak të “mosmarrëveshjeve të forta” sa i takon drejtimit të ekzekutivit për çështjen e emigracionit.

Deputeti socialist, Lavdrim Krashi i cili ka jetuar për një periudhë të gjatë në Britaninë e Madhe tha në një intervistë për Euronews Albania se arsyeja pse ministri konservator është dorëhequr ka të bëjë me faktin se ai nuk është dakord me ligjin e ri për emigracionin.

“Legjislacioni i ri nuk është mjaftueshëm i djathtë, ai kërkon që të jetë edhe më ekstrem se kaq ligji për emigrantët. Ligji i ri është i detyruar të lejojë disa elementë të gjykatës për të drejtat e njeriut, ai mendon se këto të drejta nuk duhet të jenë. Ai mendon se emigrantët nuk duhet të kenë asnjë lloj të drejte. Ruanda nuk e mendon kështu. Ruana thotë se nëse nuk u jepet e drejta e apelit emigrantëve, largohemi nga marrëveshja”, tha Krashi.

LEXONI GJITHASHTU:

• Deputetja britanike: Radoiçiçi të ekstradohet në Kosovë, të përballet me drejtësinë
• Rrëzimi i skemës për dëbimin e migrantëve, dorëhiqet ministri britanik për Imigrim