Drejtori Ekzekutiv i Grupit për Ballkanin ultimatum Kurtit: Tërhiq policinë

Drejtori Ekzekutiv i Grupit për Ballkanin, Naim Rashiti i drejtoi një ultimatum kryeministrit të Kosovës, Albin Kurtit i cili duhet që sipas tij të tërheqë forcat e policisë.

Në një intervistë për Euronews Albania, Rashiti u shpreh se zhvillimet po ndodhin në Kosovë dhe është qeveria e këtij vendi që duhet të marrë masa për stabilizimin e situatës dhe uljen e tensioneve në Veri.

“Duhet një proces shumë më gjithëpërfshirës politik për të menaxhuar situatën dhe minuar fuqinë vepruese të këtyre grupeve kriminale përfshirë ndërtimin e një policie pothuajse të re, kthimin pjesërisht të zyrtarëve që kanë qenë, pjesërisht dhe rekrutimin e të rinjve, që do të marrë kohë, nuk do të ndodhë brenda natës, kthimin e gjyqësorit, kthimin e administratës, zhvillimin e një administrate të re në Veri dhe menaxhimin bashkarisht të parametrave të fortë të sigurisë së bashku me KFOR-in dhe aktorët e tjerë,” – u shpreh Naim Rashiti.

Ai shtoi se bëhet fjalë për një situatë që do të ndërmarrë shumë hapa duke qenë se nuk mund të vijë si një zgjidhje lineare.

LEXONI GJITHASHTU:

• Qeveria e Kosovës miraton nismën për një marrëveshje me Shqipërinë
• “Zgjedhës fantazmë më 14 maj”, Berisha sërish akuza qeverisë për zgjedhjet lokale