“Dwamena kishte hequr defribilatorin”, Ilnica: Duhet ligj për sportistët me probleme

Goleadori i kampionatit shqiptar Rafael Dëamena është ndarë nga jeta në mënyrë tragjike, teksa ndodhej në fushën e lojës.

Sulmuesi 28-vjeçar dyshohet se pësoi atak kardiak përgjatë ndeshjes Egnatia-Partizani, e vlefshme për javën e 13-të të Superligës Shqiptare. Ndërhyrja e mjekëve rezultoi e pasuksesshme, pasi futbollisti mbërriti i pajetë në spitalin e Kavajës, fakt që konfirmohet nga mjeku Riza Lala.

Eduart Ilnica, gazetar sporti tha në një intervistë për Euronews Albania se futbollisti ganez kishte hequr defribilatorin të cilin e mbante për shkak të problemeve me zemrën.

“Ne nuk kemi ligj specifik për sportistët me probleme, siç e ka Italia e vetmja përgjegjësi është ajo morale, Egnatia në këtë rast që e ka ditur që ai ka pasur probleme me zemrën. Ai ka pasur një kolaps në Austri dhe për këtë është ndërprerë kontrata. Cilësitë e tij s’mund t’i vëmë në diskutim, ka bërë paraqitje shumë të mirë edhe në Conference League. Ai kishte edhe shumë oferta, dhe kjo është e habitshme që nuk u transferua, Egnatia nuk e shiti, edhe pse shifrat ishin deri në 1 mln euro në sezon dhe kjo sepse asnjë klub s’e merrte përsipër një lojtar me probleme të tilla”, tha ai.

LEXONI GJITHASHTU:

• Deklarata pak muaj para vdekjes, futbollisti: Dhurata më e bukur që kam është jeta
• Vdekja e futbollistit të Egnatias, Inter mesazh ngushëllimi për lojtarin