“Dwamena nuk duhet të luante futboll”-kardiologu flet për sëmundjen e tij

Kadriologu Indrit Temali ishte këtë të hënë i ftuar në “Good Morning Albanians”, ku foli për rastin tronditës të humbjes së jetës së futbollistit të Egnatias, Dwamena, i cili humbi jetën të shtunën ndërsa ishte duke luajtur kundër Partizanit.

Kardiologu foli për sëmundjen e këtij futbollisti dhe arsyet se përse ai nuk duhet të luante futboll. Ai tha se Dwamena ishte i diagnostifikuar me kardiomiopatinë hipertrofike, e duke qenë se futbolli është një sport i vështirësisë së lart, ai nuk duhet të luante.

“Mendoj se diagnosa e tij  kardiomiopatinë hipertrofike, është një diagnozë serioze. Futbolli klasifikohet si sport me aktivitet të lartë, ndaj ai nuk duhet të lejohej që të luante. Kjo diagnozë ka këtë rrezikun e vdekjes së papritur, rrezikun e aritmive që çojnë në arrest kardiak.

Në këtë sëmundje, muret e zemrës janë shumë të trasha, është sëmundje e lindur dhe gjenetike, kuptohet kur ti bën një vizitë rutinë te doktori për një x arsye, shiriti i zemrës nuk të del normal, ndërsa diagnozën e vendos kur bën eko”,-tha kardiologu.

LEXONI GJITHASHTU:

• Kritikoi policinë në lidhje me protestat pro-palestineze, shkarkohet Braverman
• Kurti: Fqinjët e Serbisë nuk janë të sigurt, kjo të merret parasysh në Bruksel