“E kap kriza e epilepsisë, kthejeni majtas” – Mjeku tregon si ta ndihmoni të sëmurin

Oran Knowlson, një 13-vjeçar nga Britania me epilepsi të rëndë, është bërë pacienti i parë në botë që i është nënshtruar një operacioni për të vendosur një implant truri pionier për të kontrolluar krizat e tij. Neurostimulatori, i cili funksionon duke dërguar sinjale elektrike në tru, arriti të reduktojë krizat ditore me 80%.

Artur Xhumari, shefi i repartit të neurokirurgjisë në QSUT tregoi në emisionin GoodMorning Albanians në Euronews Albania se di duhet vepruar me një person që e kapin krizat e epilepsisë.

Ai u shpreh se nëse një persin me epilepsi humbet vetëdijen, duhet ta kthesh majtas, që nëse vjell të dalë përjashta, që të mos bëjë asfiksi.

“Epilepsinë e shohim, kur e kemi vënë këtë diagnozë kemi parë një të sëmurë që bën herë pas here kriza epilepsie, që është ajo që në popull quhet sëmundja e tokës; papritur bie përtokë, humbet ndjenjat, ndoshta kafshon gjuhën. Kjo quhet një krizë, nëse kjo përsëritet ne themi që ka sëmundjen e epilepsisë. Kriza është e papritur dhe vetëndalon. I sëmuri edukon të afërmit si të sillen nëse e zë epilepsia që janë të thjeshta por jetëshpëtuese; nëse humbet vetëdijen duhet ta kthesh majtas, që nëse vjell të dalë përjashta, që të mos bëjë asfiksi”, tha mjeku.

LEXONI GJITHASHTU:

• I pari rast në botë, 13-vjeçari merr trajtimin e veçantë për epilepsinë…
• Neurologu: Nuk ka ilaç që e ndalon krizën e epilepsisë, as vaji i kanabisit