“Edhe dhimbje, edhe turp”, Ermira Babaliu: Hall i dyfishtë familjen e Naim Murselit

Këngëtarja Ermira Babaliu tha në një intervistë për “Good morning Albanians” në Euronews Albania se familja e Naim Murselit rrezikon hakmarrjen duke qenë se djali i tyre planifikoi vrasjen e bashkëshortes, Liridonës.

Ajo ishte e mendimit se familja Murseli duhet kuptuar për aq kohë sa përveç dhimbjes ata kanë dhe turpin mbi shpatulla.

“Për mua ata i ka zënë një hall i dyfishtë, halli i asaj që i ndodhi me nusen e djalit të tyre të dashur dhe nga ana tjetër, turpi, dhimbja e asaj që ju bëri fëmija. Ndërkohë, ajo që mua më shqetëson veç të tjerash është se ky nuk ishte një njeri i zakonshëm, ky ishte një njeri i njohur në nivelet e larta të të dyjave elitave edhe në Shqipëri, edhe në Kosovë. Fakti që ai njeri ishte i njohur, i zgjedhur, kishte akses të takohej me elitën. Për mua kjo e dyfishon fajin sepse të jesh i njohur dhe të jesh në ato nivele qoftë të marrëdhënies, qoftë të shërbimit, mua më duket sikur ka ardhur koha të riciklohen ca gjëra,” – u shpreh Babaliu.

LEXONI GJITHASHTU:

• Ermira Babaliu: U preka nga babai i Naim Murselit, ata janë dyfish të vrarë
• Liridona dhe Naim Murseli në proces divorci në Suedi, zbulohen detajet e reja