Eksperti: Hani banane, ka më shumë vlera ushqyese se molla

Eksperti i Industrisë Ushqimore, Abdyl Sinani, është shprehur se fruti i bananes ka më shumë vlera ushqyese se molla.

Komentet Sinani i bëri në emisionin “Good Morning Albanians” në Euronews, ku tha se banania ka më shumë fibra dhe nuk përmban kolesterol apo sheqer të lartë.

Ai tha gjithashtu se jetëgjatësia në Irlandë është e lartë, për shkak të konsumimit nga ana e tyre të bananeve dhe karbohidrateve.

“Banania ka një gjë, ka disa vlera ushqimore që molla nuk i ka. Ka shumë fibra dhe nuk pranon të ketë kolesterol të lartë dhe as sheqer të lartë. Ndërsa molla ka forcë më shumë dhe lëng më shumë që ndihmon në tretje. Po ta analizosh bananen që ka vlera më të mëdha.

Qulli i tërshërës, bashkë me bananen, i keni parë në Irlandë jetëgjatësinë nga 92-93 vjeç, vetëm nga kjo. Nuk do hash banane në mëngjes të ikësh vetëm me banane apo me mollë. Jo vetëm atë. Organizmi do edhe pak karbohidrate që i merr nga tërshëra”, tha Sinani.

LEXONI GJITHASHTU:

• Muço nga Shoqata e Biznesit të Vogël: Molla e Korçës nuk ka pamje, por ka shije
• Fermeri korçar: Molla e serbit me 70 lekë/kg, ndërsa e Korçës 90 lekë/kg