Bujar Muço, nënkryetar i Shoqatës së Biznesit të Vogël, është shprehur se mollët e Korçës nuk kanë pamje shumë të bukur, por janë cilësore.

Komentet Muço i bëri në emisionin “Good Morning Albanians” në Euronews, ku tha se pamja e mollëve të Korçës dëmtohet nga breshëri, por edhe sepse nuk merr plehrat kimike të duhura.

Ai tha se mollët e Korçës po mbeten stok për shkak se konkurrohen nga mollët e Serbisë, të cilat hyjnë në vendin tonë me çmim më të lirë, pasi kanë më pak kosto sepse sipas tij, qeveria atje i subvencionon fermerët.

“Kemi shumë mall importi që vjen nga jashtë. Malli i importit e konkurron prodhimin vendas sepse e sjellin me kosto të ulët pasi subvencionohen nga shteti. Një fermer në Serbi merr dy herë subvencionime.

Ai me këto të ardhura financiare i bën shërbime më të mëdha, nxjerr cilësinë më të mirë me kosto më të ulët. Molla në Shqipëri cilësinë apo vitaminat i ka shumë të mira, por është pamja e jashtme që nuk është aty ku duhet.

Nuk është vetëm breshëri që e dëmton, por janë edhe këto që fola unë më sipër. Mosplotësimi me plehrat kimike dhe gjërat e tjera që nuk e sjellin në formën e duhur, por ama është shumë cilësore”, tha Muço.

LEXONI GJITHASHTU:

• Fermeri korçar: Molla e serbit me 70 lekë/kg, ndërsa e Korçës 90 lekë/kg
• Fermerët e juglindjes në protestë: Kemi 20 mijë ton mollë pa shitur nga 2023