Evakuimi i 5 shqiptarëve nga Izraeli, Ministria e Jashtme: 3 mbërrijnë në Tiranë…

Ministri i Jashtëm, Igli Hasani ka dhënë një përditësim mbi rastin e 5 shqiptarëve të cilët janë nisur nga Izraeli drejt Shqipërisë.

Hasani nënvizon se është ndjekur me kujdes dhe vëmendje çdo hap për kthimin e sigurtë të tyre. Tre prej shqiptarëve janë kthyer në Tiranë, një tjetër pritet të mbërrijë sot, ndërsa shqiptari i pestë do të qëndrojë në Greqi.

“Ministria për Evropën dhe Punët e Jashtme, përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli, të cilët kanë mbërritur shëndosh e mirë në orët e para të mëngjesit në Athinë. 3 prej tyre kanë vazhduar rrugën dhe gjenden tashmë në Tiranë. Njëri kthehet sonte në mbrëmje në Shqipëri, ndërsa personi i pestë është rezident në Greqi dhe do të qëndrojë në vendin fqinj“, shkruan Igli Hasani.

LEXONI GJITHASHTU:

• Shehaj live nga rinumërimi: KAS po u shton vota të pavlefshme partive të mëdha
• Shtyhet seanca në Apel për Vangjush Dakon, mungon një nga të pandehurit