“Familja Mula, kontribut në art”: kandidati i PSD: E vazhdoj këtë sukses në politikë

Tedi Mula, një nga emrat më të rinj në politikë dhe kandidat për deputet në qarkun e Tiranës, ka rrëfyer për Euronews Albania arsyet e kandidimit nën logon e Partisë Social Demokrate të Tom Doshit.

Në një intervistë për emisionin “Profil”, Mula ka shprehur ambiciet që ka për të ardhmen në politikë, si dhe krenarinë për mbiemrin që mban dhe përfaqëson.

Ai thotë se familja Mula ka kontribuar për artin shqiptar dhe ndihet krenar për këtë, duke u shprehur se ata ishin të suksesshëm në art, dhe ai do të ndjekë hapat e Avniut dhe Invës për të qenë i suksesshëm në politikë, duke nderuar këtë mbiemër dhe këtë traditë familjare.

“Avni Mula e quajmë si të parin tonë dhe pas tij fillon rendi hierarkik. Avni Mula dihet, është nderi i kombit, pastaj kemi figura si Inva, e cila na ka bërë të ndjehemi krenarë si brenda dhe jashtë vendit. Unë ndihem krenar për këtë mbiemër që mbaj, pasi për gjatë këtyre viteve familja jonë nuk është përgojuar kurrë dhe eci me krenari përpara. Të mbash këtë mbiemër është një përgjegjësi e madhe, pasi të gjithë paraardhësit tanë kanë bërë maksimumin duke kontribuar në fushën e artit, dhe siç kanë bërë ata duke na bërë krenarë në pjesën e artit, unë do të mundohem që të bëj maksimumin që të bëj të gjithë krenarë dhe të jemi të suksesshëm edhe në politikë. Të gjithë më kanë dhënë mbështetje shumë të madhe dhe janë optimistë për rrugëtimin tim në politikë. Përveç familjarëve dhe të afërmve, nuk mund të lë pa përmendur shokët dhe miqtë, të cilët po më japin mbështetje shumë të madhe,” tha Tedi Mula.

LEXONI  GJITHASHTU:

• “Do të jem zëri i qytetarëve”, Tedi Mula: PSD e sinqertë dhe në shërbim të njerëzve
• Inva Mula: Shqipëria turistike është me art, jo vetëm det dhe shezlongë