Ferdinand Xhaferajt: PD humbet, dihet fituesi i zgjedhjeve

Deputeti i Partisë Demokratike Ferdinand Xhaferaj tha në një intervistë për Euronews Albania se nuk është angazhuar në fushatën për zgjedhjet parlamentare të 11 majit pasi i konsideron këto të fundit më të shëmtuarat në historinë e tranzicionit.

Sipas Xhaferajt, fituesi i këtyre zgjedhjeve dihet, por ajo që nuk dihet është çfarë do të bëhet më pas me opozitën.

“Nuk jam i angazhuar në fushatë sepse respektoj një masë të gjerë demokratësh që e kanë kuptuar që këto janë zgjedhjet më të shëmtuara të historisë së tranzicionit, se dihet kush do jetë fituesi…ai që nuk duhet të ishte dhe që është aty për fajet tona, përfshi edhe përgjegjësitë e mia. Sot duhet të ishim në fushatë me një lidership të ri, të kishim një fushatë shumë entuziaste ku pankartat pro SPAK të ishin lajtmotiv dhe për shkak ët problemeve të kryetarit me SPAK i jemi kundërvënë. Janë zgjedhjet më të shëmtuara se dihet kush do jetë në pushtet dhe nuk dihet çfarë do bëhet me opozitën”, tha Xhaferaj.