Futbollisti çek i premton gazetares: Do të ta gjej unë biletën për në stadium

Sot është një ditë e rëndësishme për të gjithë tifozët e futbollit sepse në mbrëmje luhet ndeshja mes Shqipërisë dhe Çekisë.

Kjo ndeshje është shumë e komentuar për rëndësinë e saj lidhur me renditjen e të dyja skuadrave. Po ashtu është përfolur edhe për biletat, çmimin e tyre dhe faktin që u shitën për vetëm 3 orë duke mërzitur shumë tifozë që nuk mundën t’i siguronin.

Gazetarja sportive Enkeleda Zeko tha në emisionin GoodMorning Albanians në Euronews Albania se ajo vetë nuk ka mundur të sigurojë një biletë për në stadium, pasi vetëm një gazetar për çdo televizion u lejua të kishte një të tillë.

Miroslav Fanta, trajneri çek i portierëve, në një ndërhyrje me skype në emision i premtoi gazetares se ai mund t’ia siguronte një biletë në stadium.

“Unë nuk e kam blerë një biletë se ndodhem në Gjermani aktualisht, por nëse të duhet të një biletë më thuaj se do të gjej një biletë për ty. Kam lidhje shumë të forta me Shqipërinë dhe e kam mundësinë ta gjej një biletë”, tha ai.

LEXONI GJITHASHTU:

• Trajneri çek: Mendoj se Çekia do fitojë 2-1 përballë Shqipërisë
• Ndeshja Shqipëri-Çeki, Balla takim me drejtues të policisë dhe FSHF: Asnjë tolerim