Gashi: Gazetaret në Kosovë duhet të lidhen me drejtorin që të ngrihen në pozitë

Gazetarja Edona Gashi është shprehur se në mediat në Kosovë ka shumë raste të ngacmimeve seksuale, të cilat nuk bëhen publike.

Komentet Gashi i bëri në emisionin “Good Morning Albanians” në Euronews, ku tha se për t’u ngritur në pozitë, gazetareve në Kosovë u kërkohet që të kenë marrëdhënie seksuale me drejtorin.

Ajo tha gjithashtu se është e vështirë për gazetaret të dënoncojnë, megjithëse kanë edhe prova, pasi drejtësia në Kosovë nuk funksionon.

“Ka gazetare që detyrohen të lënë vendin e punës sepse drejtori i kërkon marrëdhënie seksuale për t’u ngritur në pozitë. Ke raste të tilla, të shumta që nuk bëhen publike nga vetë mediumet. Është një frustrim seskual. Detyrohen për të lënë punën për këto raste, që kanë edhe fakte për këto, mirëpo nuk funksionon drejtësia.

Ka ardhur sistemi i tillë që ti vetëm nëse e ke një raport me drejtorin mund të ngrihesh në pozitë. Ka ndodhur që e kam diskutuar një gjë të tillë edhe në mediume, por nuk është se është marrë për bazë, pasi 90 % e mediumeve janë të njëjta. Edhe gazetarët kanë frikë ta vazhdojnë më tej”, tha Gashi.

LEXONI GJITHASHTU:

• Kosovë| 27 studentë denoncojnë pedagogun e matematikës për ngacmim seksual
• 74-vjeçarja e akuzoi për ngacmim seksual, nis hetimi për 43-vjeçarin në Gjirokastër