Gështenja: Të mbështesim Luçiano Boçin nëse është më i miri që kemi në Elbasan

Deputeti i Partisë Demokratike, Lefter Gështenja thotë se ekziston hapësira për të gjetur pika bashkimi mes demokratëve, duke dalë me kandidatë të përbashkët në zgjedhjet lokale të 14 majit.

Në një intervistë për Euronews Albania, Gështenja, i cili është deputet në Elbasan, u shpreh se nëse Luçiano Boçi është kandidati më i mirë për këtë bashki, të gjithë duhet ta mbështesin.

Por Gështenja nënvizoi se edhe Rithemelimi duhet të mbështesë kandidatët e grupimit tjetër të opozitës në qarqe të caktuara, nëse kandidatët e saj do të jenë më të mirë.

“Zoti Luçiano Boçi nuk është një kundërshtar i demokratëve, ai është demokrat. Ashtu si Luçiano Boçi, por edhe figura të tjera në qarqe të tjera të vendit janë demokratë, dalin nga Partia Demokratike. E rëndësishme është, e para që Partia Demokratike duhet të hyjë në garë. E kam thënë që ka hapësira, nëse ekziston vullneti dhe dëshira e të gjithë aktorëve dhe faktorëve në këtë vendimmarrje, që ne të dalim me kandidatë të përbashkët.

Nëse flasim për Elbasanin, nëse në Elbasan grupimi ynë nuk ka një kandidat më të fortë se Luçiano Boçi, ne duhet të mbështesim të gjithë Luçiano Boçin. Sikundër, Rithemelimi, pjesa tjetër e opozitës, duhet të mbështesë kandidatin tonë në një qark tjetër”, theksoi ai.

LEXONI GJITHASHTU

• PD darkë në Pogradec, deputeti zbulon kush ishin prezent
• ‘Kam vulën dhe siglën’, Berisha: Rama të vijë në debat përballë meje
• Berisha: Dënoj me ashpërsi mbrojtjen që Rama i bëri Putinit në Davos