Gjyqi në Hagë, solidarizohet deputeti i PS: Uroj që mos të njolloset lufta e Kosovës

Deputeti i Partisë Socialiste, Arben Pëllumbi ka shprehur solidaritet për protestën që është zhvilluar ditën e sotme në Hagë dhe në Kosovë për lirimin e ish-ushtarëve të UÇK-së, në Hagë.

Në një intervistë për Euronews Albania ai uroi që ish-ushtarët të lirohen dhe që lufta e Kosovës mos të njolloset.

“Në radhë të parë, shpreh mbështetjen time për fillimin e gjyqit ndaj ushtarëve të UÇK-së, me shpresën që të kemi një rezultat sa më të shpejtë dhe pozitiv dhe mos njollosjen e një luftë që solli pavarësinë e Kosovës”- tha ai.

Pëllumbi komentoi dhe atentatin në Shkozet që iu bë Aldi Mustafës ditën e sotme duke thënë se policia ka bërë një punë shumë të mirë dhe se numri i krimeve në vend është ulur.

“Policia ka bërë një punë shumë të mirë dhe numri i kriminalistikës është ulur”- përfundoi ai.

LEXONI GJITHASHTU: 

• Gashi: Pa ndërkombëtarët Serbia e pushton Kosovën për 24 orë
• Njerëzit në Lisbonë në krizë strehimi, nuk paguajnë dot qiratë. Shpërthejnë tubimet