Hapja e grupkapitujve të parë të negociatave me BE, ministrja flet nga Luksenburgu

Është mbajtur sot në Luksemburg konferenca e dytë ndërqeveritar Shqipëri-BE ku është hapur grupkapitulli i parë i negociatave me Bashkimin Evropian.

Adea Pirdeni, ministre e Shtetit për Administratën Publike dhe Antikorrupsionin tha në një intervistë për Euronews Albania nga Luksemburgu se grupkapitujt  e hapur sot përmbajnë tematikat kryesore të shtetformimit duke nisur nga shteti i së drejtës, reformën në drejtësi, luftën kundër korrupsionit dhe fusha të tjera me rëndësi.

“Grupkapitujt që përmbajnë tematikat kryesore të shtetformimit duke nisur nga shteti i së drejtës, reformën në drejtësi, luftën kundër korrupsioni dhe fusha të tjera si prokurimet publike. Është kapitulli që hapet i pari dhe mbyllet i fundit për shkak të rëndësisë. I gjithë ky proces është rezultat i një pune të madhe të një morie aktorësh shtetërore dhe jo që kanë ndikuar me kontributin e tyre. Dita e sotme shënon një fazë të re të negociatave për Shqipërinë që do të vazhdojë me intensitet. Rrugëtimi përpara nuk është i lehtë, por angazhimi maksimal të të gjitha strukturave shtetërore na mbush me bindjen se do ja dalim edhe në fazat e tjera të negociatave. Kali i betejës ka qenë reforma në drejtësi dhe të gjitha rezultatet e arritura prej saj”, tha ministrja.

LEXONI GJITHASHTU:

• Shqipëria dhe RMV bashkë në rrugën e anëtarësimit në BE, Rama: Jemi poshtëruar…
• “BE u tregua e padrejtë me ne”, Rama: Shqipëria nuk ka plan B veç Europës