“Hetim kompleks për zjarrin në Lushnjë!”- Gazetari: Çfarë e shkaktoi…

Hetime komplekse pritet të zhvillohen në godinën e qendrës tregtare në Lushnjë, e cila ditën e sotme u përfshi nga flakët.

Zjarri ka zgjatur për disa orë tashmë,  ndërsa ende nuk dihet se çfarë e ka shkaktuar.

Gazetari i Euronews Albania, Eni Ferhati, i cili shkoi në vendngjarje dha më shumë detaje rreth asaj që pritet të ndodhë më pas.

“Prokuroria e rrethit ka urdhëruar ngritjen e një ekipi të posaçëm hetimor, të cilët deri në këto momente e kanë patur të pamundur të bëjnë një ekzaminim të vendngjarjes. Pritet që zjarri të izolohet plotësisht, të bëhen edhe procedurat e ajrimit të pallatit.

Pasi të bëhet një inventarizim i gjithë godinës, atëherë do të nisë edhe procedura e hetimit, i cili mendohet se do të jetë një hetim kompleks. Kjo sepse zjarri ka shkaktuar dëme të mëdha. dyshimet paraprake janë se ka qenë një mbingarkesë energjike, në paketën qendrore elektrike, por do të jenë ekspertiza të tjera që do përcaktojnë se kush ka qenë shkaku i zjarrit”,-tha Eni Ferhati.

LEXONI GJITHASHTU:

• Zjarri në Lushnjë/ Specialisti i policisë: Po vijojmë kontrollet në çdo kat e hyrje
• Zjarri në Lushnjë/ Mbi 20 persona dërgohen në spital, s’dihet numri i të bllokuarve