Ilir Yzeiri: Berisha dhe Meta të konsumuar, koalicioni tyre i pavlerë

Gazetari Ilir Yzeiri thotë se koalicioni mes kryedemokratit, Sali Berisha dhe kreut të Partisë së Lirisë, Ilir Meta është i pavlerë.

Në një intervistë për Euronews Albania, Yzeiri u shpreh se skena politike shqiptare nuk po përfaqësohet ashtu siç do të duhet të përfaqësohet.

Sipas tij, qeveria e Edi Ramës është konsmuar, por nuk mund të zëvendësohet me Berishën dhe Metën, të cilët sipas tij, po vrasin opozitën.

“Nuk e di ku do t’i çojë, por kështu siç duket, asgjëkundi. Fatkeqësi e madhe është kjo që opozita në Shqipëri, nga dita në ditë po merr goditje të jashtëzakonshme dhe për fat të keq, skena politike shqiptare nuk po përfaqësohet ashtu siç do të duhet të përfaqësohet.

Çdo qeverisje kalon një farë kohe dhe tej konsumophet dhe ka nevojë për ndërrimin e elitave, ndërrimin e pushtetit, ndërrimet demokratike, por jo të kërkosh të rrëzosh qeverinë me hunj e me sfurqe, Ilir Meta me Sali Berishën. Këta po e vrasin opozitën, shpirti opozitar në këtë vend ka rënë’, theksoi ai.

LEXONI GJITHASHTU

• Ferhati: Kush po manipulon garën në drejtësi dhe me kë e ka Kim?

• Paralajmërimi i Lalës: Elbasani do të jetë shumë shpejt në qendër të vëmendjes
• Gazetari zbardh përgjimet: 1 i arrestuar për kokainën në Fier fliste me një polic