Ish-myftiu Gurra: Besimi fetar nuk duhet të jetë opsional në cens

Ish-myftiu i Tiranës, Ylli Gurra tha në një intervistë për “Good morning Albanians” në Euronews Albania se besimi fetar në cens nuk duhet të jetë opsional.

Sipas tij deklarimi i besimit fetar është i domosdoshëm të bëhet nga qytetarët.

“Në vlerësimin tim edhe të lënit opsional në regjistrimin e popullsisë, pikërisht besimin, etnitetin dhe gjuhën, në pikëpamjen time është problematike. Përkundrazi janë pjesë e ndjeshmërisë kombëtare dhe fetare. Përse duhet të jenë opsional kur mund të jetë si të gjitha pyetjet e tjera? Duhet të ishte si ato, ose të mos përfshihej në atë mënyrë. Unë e shikoj të drejtë në pikëpamje të besimit dhe jo institucioneve që e përfaqësojnë aq sa e përfaqësojnë secilën pjesë të besimit. Lënia opsionale, në mendimin tim nuk është e drejtë,” – u shpreh Gurra.

LEXONI GJITHASHTU:

• Censi, komunitetet fetare apel për t’u deklaruar
• Debati për censin/Kreshnik Spahiu: Shqiptarët kanë ndryshuar etninë për pensionin