Kamionistja shqiptare: Itali-Gjermani, rruga më e gjatë që kam bërë me kamion

Kamionistja shqiptare, Bianka Dervishi thotë se rruga më e gjatë që ajo ka përshkuar me kamion, është nga Italia në Gjermani.

Në emisionin “Good Morning Albanians” në Euronews Albania, Dervishi u shpreh se me kamion nuk mund të udhëtosh në çdo orar.

“Kam shkuar deri në Gjermani. Kam shkuar në Francë, Gjermani, pastaj kam ardhur në Itali. Ndenja një natë te motra në Gjermani dhe pastaj erdha. Po, Itali, Gjermani dhe Francë. Një javë rrugë, por kamionin nuk mund ta ngasësh sa do ti. Kamioni ka oraret e veta, që ti nuk mund t’i kalosh ato orare. Unë them ky është dashuria ime. Kur më pyesin, a je e dashuruar? Po u them unë, ja.

Prej 16 vitesh, Bianka ka emigruar dhe jeton në Itali, ku ka vendosur që të punojë si kamioniste.

Bianka ka hequr dorë nga profesioni i saj si parukiere për t’u përkushtuar plotësisht pasionit të saj. Ajo është komentuar shumë dhe është vënë në qendër të vëmëndjes për faktin se është e para femër kamioniste.

LEXONI GJITHASHTU

• Kamionistja shqiptare në Itali: Bëra video për Tik Tok në kamion, më ndaloi polici
• Përmbyset kamioni, bllokohet rruga Memaliaj-Krahës
• Kamionisti 10-vjeçar, Ergeni prej 3 vitesh ndihmon babanë