‘Kosova nuk rrezikohet nga Serbia’, Ngjela: E mbron SHBA, neve NATO-ja

Avokati Spartak Ngjela thotë se Kosova nuk është e rrezikuar nga Serbia, edhe pse tensionet në veri të vendit kanë ardhur në rritje.

Në një intervistë për Euronews Albania, Ngjela u shpreh se Kosova mbrohet nga SHBA, ndërsa Shqipëria nga NATO-ja.

“Jo, fare. Kosova është në mbrojtjen e ombrellës amerikane. Kurse ne kemi NATO-n. E di si kemi hyrë në NATO? Pa asnjë ushtar. Pa ushtarë hymë në NATO, kemi qenë të rrezikuar, NATO-ja të do, Perëndimi të do dhe Uashingtoni të do.

Si do t’ia marrë NATO-s atë shtetin tonë? Problemi qëndron që ne nuk kemi dot një politikë të mirëfilltë të një kryeministri brilant, që di të bëjë bashkimin kombëtar”, theksoi ai.

Kryeministri i Kosovës, Albin Kurti zhvilloi një takim në Paris me Përfaqësuesin e Lartë të BE-së, Josep Borrell dhe Përfaqësuesin e posaçëm të BE-së, Miroslav Lajçak, pak para nisjes së Forumit të Paqes.

Sipas një njoftimi të qeverisë së Kosovës, temë diskutimi ishte zhvillimet e fundit në Kosovë dhe dinamizmi i dialogut me Serbinë.

Gjatë takimit, Kurti theksoi se për normalizimin e plotë të marrëdhënieve nevojitet njohja reciproke.

LEXONI GJITHASHTU

• “Nuk merret me armë qeveria”, Ngjela: Berisha vuan nga një sëmundje e prapambetur
• ‘Berisha dhe Meta s’kanë vota’, Ngjela: Shkatërruan Shqipërinë
• ‘Mjerë kush prek protestuesit’, thirrja e Berishës për policinë