Kthupi: PS e Rithemelimi s’e duan Reformën Zgjedhore, s’donin produkt nga Komisioni

Sekretari për Reformën Zgjedhore dhe përfaqësuesi ligjor i Partisë Demokratike, Rezart Kthupi, është shprehur se Partia Socialiste dhe Rithemelimi nuk e duan Reformën Zgjedhore.

Komentet Kthupi i bëri në Euronews Albania, ku tha se të 2 palët bënë kompromis që të bëjnë një Reformë Zgjedhore të përbashkët.

Ai tha gjithashtu se mazhoranca përdori Rithemelimin për të ngritur një strukturë të re, që të minonin punën e Komisionit të Reformës Zgjedhore, pasi sipas tij, nuk donin që ky komision të kishte produkt.

“Ne kemi shkuar në Komisionin e Reformës Zgjedhore me propozimet tona. Propozime që i kemi diskutuar publikisht sa kemi pasur mundësi. 2 palët e tjera, bënë një kompromis që të bëjnë një reformë zgjedhore të përbashkët.

Për të arritur te ftesa e Bardhit, ke një marrëveshje paraprake mes Rithemelimit dhe PS për të ndryshuar, jo për të vijuar më me Komisionin e Reformës Zgjedhore, por për të krijuar një institucion tjetër. Nuk i kishte skaduar afati ende komisionit. Nuk donin që të kishte produkt Komisioni. Këtu nis gjithçka.

Maxhoranca nuk ka interes të bëjë reformë zgjedhore. E keni të deklaruar nga kryeministri që nëse nuk gjendet një konsensur dhe konsensusi nuk mund të gjendet me zor, duhet vullnet mes palëve. Ne kishim propozimet tona në komision, mazhoranca nuk kishte propozime.

Mazhoranca përdori Rithemelimin për të ngritur një strukturë të re. Kur ti ngre një strukturë brenda Kuvendit, duhet një vendim i Kuvendit për ta ngritur atë. Pse u ndërtua një ngup i veçantë me një marrëveshje mes 2 palëve”, tha Kthupi.

LEXONI GJITHASHTU:

• Reforma zgjedhore, Basha thirrje nga parlamenti: Mos të përsëritet skandali i 2008
• Basha takon Varhelyi-n: Prioritet, Reforma Zgjedhore dhe lufta kundër korrupsionit