Dëgjimi i muzikës me kufje, sa relaksues mund të kthehet edhe në një problem shëndetësor. Mjekët Otorinolaringolog, thonë se frekuentimi i ambienteve me muzikë të lartë por dhe përdorimi i kufjeve, ku niveli i muzikës i tejkalon 60 decibel që është dhe niveli i lejuar, na dëmton dëgjimin, dhe ndonjëherë ky dëmtim është i pakthyeshëm.

 “Përdorimi i kufjeve tek te rinjtë në shumicën e rasteve përdoret mbi 100 dcb që jep dëmtim të nervit të dëgjimit, në fillim nuk e ndien por nëse paraqitet pas 3 apo 4 muaj ne shikojmë dëmtim të lehtë deri të mesëm të nivelit të dëgjimit i cili ndonjëherë është i parikthyeshëm,- Anjeza Kuçi, mjeke orl.

Shumica e pacientëve që kanë dëmtim të dëgjimit janë të rinjtë që përdorimin e kufjeve e kanë pjesë të punës.

 “Tek pacientët e rinj që shoqërohen me dëmtim të nervit të dëgjimit ne kemi  kryesisht pacientët që punojnë në call center, mosha mesatare 25-35-40 vjeç, të cilët si rezultat i punë së tyre të përditshme që qëndrojnë mbi 8 orë, këta pacientë vijnë pas disa vitesh pune”, – Anjeza Kuçi, mjeke ORL.

 Edhe pse përdorimi i kufjeve nuk rekomandohet, mjekët otorinolaringolog, kërkojnë që të paktën të respektohen limitet e zhurmës dhe koha e qëndrimit me kufje.

“Në dëgjimin e muzikës do rekomandoja me zë optimal, nuk ka rëndësi vetëm niveli por dhe koha e përdorimit volume nuk duhet të kaloj nivelin e fundit të aparatit i cili tregon se mbi këtë nivel dëmton dhe koha e kufizuar”,-tha Anjeza Kuçi, mjeke ORL.

Ekspertët thonë se problem është edhe dëmtimi akut i dëgjimit, që shkaktohet nga zhurmat e forta dhe të menjëhershme. Ata rekomandojnë shmangien e mjediseve të zhurmshme për të mos dëmtuar dëgjimin.

LEXONI GJITHASHTU:

• Pranimi i padisë për diskriminim të gjuhës shqipe, mjeku: Google na ka kërkuar takim
• Mjeku: Mblodhëm 24 mijë firma kundër Google për diskriminim të gjuhës shqipe