“Kurti do ndëshkohet me votë!” Analisti: Populli po ia shikon defektet LVV-së

Analisti Dritëro Arifi ishte këtë të premte në “Balkan Talks” në Euronews Albania për të folur rreth zgjedhjeve që pritet të zhvillohen të dielën në Kosovë.

Sipas tij në këto zgjedhje, kryeministri Albin Kurti do të dënohet nga populli, i cili sipas tij nuk do ta votojë.

“E gjithë fushata e LVV u bazua në tre elementë, e para urrejtja ndaj gjithçkaje që nuk është Vetëvendosje, fyerje ndaj oponentëve politike dhe mediave, sepse për herë të parë kemi shmangie nga debati publik dhe në fund është një farë komedie. Për mua është befasuese që Vetëvendosja vetëm të ankohet e të fyejë.

Ne e dimë që sovraniteti në veri ëhstë vetëm pjesërisht i shtrirë. Nuk mbahen politikat me armë, ndaj jemi sanksionuar. Hapin e parë e kanë bërë mirë, por kanë gabuar me menaxhimin e situatës. Unë besoj se qytetarët do i shikojnë defektet e qeverisjes së Vetëvendosjes dhe do të ndëshkohet. Unë pres që të ndëshkohet edhe për mosmbajtjen e premtimeve që kjo të jetë një mësim edhe për partitë e tjera se si duhet të dënohet një lider”,-tha Arifi.

LEXONI GJITHASHTU:

• “Asosacioni, elefanti në dhomën e Kosovës”, ish-ambasadori: Pse Kurti ka avantazh
• Kosovë, sa i besojnë qytetarët premtimet e partive politike?