Manaj flet nga spitali pas përplasjes, fjalët e para të futbollistit të Kombëtares

Futbollisti i Kombëtares shqiptare, Rey Manaj, ka përfunduar pa ndjenja në fushë pas një përplasjeje të fortë me një kundërshtar gjatë ndeshjes Sivaspor-Göztepe.

Pas goditjes në kokë, futbollisti u dërgua urgjentisht me ambulancë për të iu nënshtruar vizitave të mëtejshme mjekësore në spital.

Mediat turke raportojnë se fjalët e para të Manajt pas ngjarjes kanë habitur mjekët. Sipas burimeve, sulmuesi ka pyetur menjëherë;

“A do të mund të luaj në javën e ardhshme?” – një frazë që ka dëshmuar dëshirën e tij të madhe për t’u rikthyer sa më shpejt në fushë, duke treguar edhe njëherë angazhimin dhe pasionin e tij për futbollin.

Ngjarja ndodhi në minutën e 3-të të ndeshjes, kur Manaj u përplas kokë më kokë me një mbrojtës të ekipit kundërshtar, Göztepe. Pas përplasjes, ai mbeti i shtrirë në fushë, duke shkaktuar panik te lojtarët dhe tifozët.

Stafi mjekësor i Sivasspor ndërhyri menjëherë, duke ofruar ndihmën e parë në vend. Më pas, futbollisti shqiptar u transportua me ambulancë për në spital, ku iu nënshtrua kontrollave dhe vizitave të nevojshme.

Sipas informacionit të fundit, gjendja e Manajt është stabilizuar dhe ai është jashtë rrezikut për jetën.

Një informacion i fundit nga klubi Sivasspor thekson se futbollisti është në gjendje të vetëdijshëm dhe po merr trajtimin e duhur për shërimin e tij.

Të gjithë shpresojnë për një rikuperim të shpejtë, duke parë pasionin dhe dëshirën e tij për të rikthyer në fushë sa më shpejt.

LEXONI GJITHASHTU:

• Përplasja me kokë me kundërshtarin, Rey Manaj largohet nga fusha me ambulancë
• Rey Manaj i pandalshëm, shënon golin e 18-të. Vlera i rritet miliona euro