Qeveria e Maqedonisë së Veriut, ka marrë vendim për heqjen e certifikatave të vaksinimit dhe tamponëve kundër koronavirusit për të hyrë në këtë shtet.
Gazetarja e “Euronews Albania” në Shkup, Ferikan Iljazi informoi se ky vendim është marrë për shkak të uljes së rasteve të reja me koronavirus. Në Maqedoninë e Veriut, numri ditor i të infekturarve është 100-130.
Në anën tjetër, Qeveria e Maqedonisë së Veriut dhe të punësuarit në sektorë të ndryshëm shtetërorë nuk po arrijnë marrëveshje për rritje pagash. Si pasojë, Konfederata e Sindikatave të Lira ka paralajmëruar protesta.
Gazetarja Iljazi tha se sindikata e arsimit nuk ka pranuar ofertën e qeverisë për rritjen e pagës me 10%, por kërkojnë rritje me 18%.
Greva e tyre ka hyrë në ditën e shtatë dhe paralajmërojnë protesta çdo ditë nëse nuk plotësohen kërkesat.
LEXONI GJITHASHTU
- Maqedonia e Veriut kërcënon me burg mbështetësit e luftës në Ukrainë
- Maqedonia e Veriut shpall non-grata 5 diplomatë rusë
