Mbahet sot mbledhja e deputetëve të PS në Elbasan, mbërrijnë deputetët

Mbahet këtë të premte mbledhja e planifikuar në Elbasan e Kryeministrit Edi Rama me grupin parlamentar të Partisë Socialiste.

Mbledhja do të bëhet në ambientet e një lokali privat ku tashmë kanë mbërritur edhe deputetët socialist.

Një ditë pasi kolegët e saj socialistë e mbrojtën me votë në parlament pasi nuk e dërguan mandatin e saj në Gjykaten Kushtetuese, Olta Xhaçka shfaqet në mbledhjen e retreatit. Xhaçka u shfaq teksa ecte në krah të deputetit të PS, Arben Pëllumbi.

“Retreati” i deputetëve të PS do të ndahet në 3 pjesë. Burime bëjnë me dije se në pjesën e parë deputetët do të njihen me punën e bërë deri më tani nga komisionet e posaçme të “Antikorrupsionit” dhe “Dezinformimit”.

2 kryetarët e komisioneve Fatmir Xhafaj dhe Erion Braçe, jo vetëm do të analizojnë punën por do të njohin kolegët e tyre edhe me objektivat dhe ecurinë e punës në vazhdimësi.

Pjesa e dytë do të fokusohet tek strategjia e re e komunikimit publik qe duhet të ndjekin deputetët me zgjedhësit, punën në parlament dhe mesazhet publike deri në zgjedhjet e parlamentare.

“Trajnimi” i deputetëve për komunikimin do të mbahet nga zyra e shtypit të PS për koordinimin e mesazheve dhe rritjen e komunikimit publik edhe përmes rrjeteve sociale.

LEXONI GJITHASHTU:

• Zbardhet axhenda e mbledhjes së deputetëve të PS në Elbasan të premten
• Rama përgjigjet për mbetjet toksike: Aludim psikopatologjik, nuk janë të rrezikshme