‘Na ka shpëtuar djali, është gjë e madhe’, flet për Euronews Albania tezja e Ndrecës

Të afërmit e kreu të Grupit të Rithemelimit në Vaun e Dejës Benard Ndreca, kanë folur për mikrofonin e Euronews Albania, në lidhje me shpërthimin me tritol që ndodhi në automjetin e Ndrecës këtë të martë.

Ata thanë se Ndreca nuk ka pasur probleme me asnjë person, ndërsa shprehen të lumtur që i afërmi i tyre është shëndoshë e mirë.

“Na ka shpëtuar djali është gjë e madhe. Unë jam tezja. Nuk ka pasur probleme me asnjë. Ka qenë i qetë. Nuk ka shok si veten”- thotë tezja e Benard Ndrecës.

Kujtojmë se atentati me tritol u shënua mëngjesin e kësaj të marte në Vaun e Dejës. Objektiv ka qenë kreu i Rithemelimit në degën e Vaut të Dejës, Benard Ndreca i cili sapo kishte hipur në mjet dhe pranë i ndodhej e ëma. Si pasojë e shpërthimit, nuk ka pasur të lënduar, vetëm dëme materiale çka lë të kuptohet se sasia e tritolit ka qenë e vogël.

Euronews Albania ka siguruar pamjet nga momenti kur dy persona të maskuar kanë vendosur sasinë e lëndës plasëse në mjet si dhe të momentit të shpërthimit.

Benard Ndreca në një prononcim për mediat u shpreh se nuk ka konflikte me askënd dhe se ky është një sulm i hapur politik.

LEXONI GJITHASHTU: 

• I biri i shpëtoi mrekullisht nga shpërthimi, flet babai i Ndrecës: S’kemi frikë
• Shpërthimi në Vaun e Dejës, flasin fqinjët: E kujtuam tërmet, s’jemi të sigurt